دردلــــــی ســـــاییــــــن قــــالام
http://saynghala.blogfa.com/post-9.aspx
سیزه سایین قالادان(شاهین دژ) سؤز آچیرام، گونئی آذربایجانین آنادولوسو سایین قالادان، شاهسئونلرین، افشارلارین، قاراپاپاقلارین، اهل حقلرین یوردو سایین قالا دان...
اسگی تاریخلرین بوتون عنعنهلری بیرهرـ بیرهر اؤنوموزده جان وئریر. شهرلشمه "داوشان تپه" نی اودور، "جیغاتی"، زرینه رود اولماق قورخوسونو یاشاییر. "ماحمودجوق" محمودآبادـآ، "قالاکؤن" احمدآبادـآ دؤنور، نده اولسا دونیادا هرنه گلیشیر و هر نه دئییشیر، اونون اوچون دورکی بیزیم جوغرافیامیزدا هر شئی آریائیلشیر!.
هئچ اونوتمامیشام، "قیز کؤرپی" کندینین ساکینلری کوردلشدییی گون، بو کندین تاریخی کؤرپوسو آجیغیندان اؤزنو سئله تاپشیردی.نه بیلیم بلکه ائله همین گون هولاکوخانین روحو اینجیمیشدی، چونکو "یئنگی ارخ" ده هامینین اورهگینه کدر هوپموشدور.
نئجه اورهگیم آغریماسین کی، "داش آغل" کندینده قارداش ساندیغیمیز کوردلر بو کنده عایید اولان تابلونون اوزرهریندهکی یازییا بئله سالدیردیلار.ائله کی تابلودا داش یازیسینین اوزهرینه چامور یاخاراق تابلودا آنجاق آغل قالماسی نیتی ایله تورکلره و تورک دیلینه نئجه دوشمن اولدوقلارینی تابلولاشدیریرلار. عئینی ایشی آراسیرا "مایین بولاق" کندینین تابلوسو ایله ده گؤرموشدورلر، سن دئمه "بولاق" سؤزونو چامورلاماقلا بوتون تاریخ سیلینه جک!!!، قئید ائتمک لازیم دیر کی، کورد تئرورچولاری بوتون بو ایشلری باشلیجا آذربایجان تورپاقلارینی کوردلشدیرمک مقصدی ایله و یا ان آزیندان آذربایجان تورپاقلارینی کوردوستان کیمی تبلیغ ائتمک نییتی ایله گئرچکلشدیریرلر.
هله بیزیم میللتین دَیمه دوشر آیدینلاری "تورکله کورد قارداش دیر..." دئییب، فاجیعهنین درینلیگینی اینسانجیل داورانیشلارلا دایازلاشدیرماغا چالیشیرلار. کئشکه بئله اولسایدی. اونلارا دئمک ایستهییرم گئدین "هولاسو"لولاردان، کورد دئموکراتلارینین ایران ایسلام اینقیلابیندان همن سونرا، و ایرانـ عیراق ساواشینین سونونا دک سورهن سالدیریلاریندان خبر آلین، شوبهه ائتمهییرم کی قارشیلاشاجاغینیز اینسانلار، حادیثهلری سؤیلرکن گؤز یاشلارینا حاکیم اولامایاجاقلار، اوستهلیک او جینایتلر حاقدا ائله سؤزلر ائشیدهجکسینیزکی داها بیر باشقاسینا سؤیلهمکدن چکینهجکسینیز. "قاسملو"نون رهبرلیگی ایله "حزب دئموکرات کردستان" و اونون لعنتلیک پیشمرگهلری سایین قالا و چئوره کندلرینده یوزلرجه دینج آذربایجانلینی قتله یئتیردیلرو چوخ تاسوف کی او ایللرده اؤلنلرین لیستهلری هله بو گونه کیمی هر هانکی بیر اٌرقان طرفیندن بیر یئره ییغیلماییب دیر. کئشکه قارداش اولاسایدیق، او زامان گئجه یاتیب صاباحیسی گون "هاچاسو" دووارلاریندا "درود بر مصطفی هیجری" و بو کیمی شوعارلارا گؤزوموز ساتاشمازدی.
سیزه ائله بیر یورددان سؤز آچیرام کی بوتون دره،دوز، داغ، یاستان، چای، کندو... آدلارینی بیربیرینه وورسانیز بیر تک کوردجه آدینا راستلاشمایاجاقسینیز. اونونلا بئله بیزلره مغول، نه بیلیم عجم دئییب قانیمیزا سوسایان او قوخوموش داغ کئچیلری او موردار تئرورچولار، سیزلرین شاهین دژِ کوردستاندا نه ایشینیز وار دئییرلر...! سیزه دردلی سایین قالامدان سؤز آچیرام...
7 مین ایل بوندان اؤنجه ددهلرینین قوردوغو ان گؤزل و ان زنگین مدنییتین قالینتیلاری ساییلان "قاپان تپه"نی، آجیناجاقلی طالع بو گون دئییشیک دوروما گتیریب چیخارمیشدیر. بو گون قاپان تپه نین زیروه سینده نه سارای وار نه ده تورک بایراغی، سانکی ائلخانلیلارین گؤزهتن عسگرلری اورهگیمیزده داشلاشیبلار، قاپانآ باخاندا. بوغازیمی قهر باسیب ، آجی قهر، آنامین سؤزلری قولاغیما سیرغا دئییل ان گوجلو دهشت دیر، جانیما اوتورور ."قاپان تپهیه گئتمهیین آمان دیر، مؤعتادلار سیزه زیان یئتیره بیلهرلر" و یا" آخشام دوشنده، اورالاردا گزمهیین ، مؤعتادلارین کیرلی سورنگلری آیاغیزا باتار"...
سیزه تیریئک(تریاک) و هئروئینین سودان اوجوز اولدوغو بیر شهردن دانیشیرام، بو زهرلری، آریائیلرین تؤهفهسی آدلاندیرماق چوخ یاخشی اولار. نییه کی اکیب بیچنلری افغانلیلار، آلیب تیرانزئتینه یاردیمچی اولان قارداشلاری فارسلار و قاچاقچیلاری دا عمیـ اوغلانلاری کورد تئورچولاری دیرلار. دوشوننده کی کورد دیلی ایله افغان دیلینین نه قدهر بیربیرینه اوخشارلیقلاری وار، دئدییم سؤزه داهادا چوخ اینانیرام.
سایین قالا نین اورهگینده هر زامان بیر نیسگیل وارکی، اگر آذربایجان فارس فاشیستلری طرفیندن ایشغال اولماسایدی، بیزیم تاریخی سینیرلاریمیز(مرزهای تاریخی) بلیرلنهجک ایدی (معلوم شدن) و او زامان هر داغدان یئنن قوخوموشلاری شهرلریمیزه آلمازدیق، باشقا طرفدن بو قدهر ایشسیزلیک اولمازدی، چونکو او اینانیر کی او زامان یابانجی تهران دئییل، آنام تبریز منه اییه دوراجاقدی...
ایشسیزلیگین خصوصیایلهده سایین قالادا تؤرهتدیگی فلاکتلری ایکی اؤنملی یؤندن آچیب دانیشا بیلهریک:
هر ایل اونلارجا یئرلی تورک عاییله، ایشسیزلیک ندهنی ایله سایین قالا دان کؤچمک مجبوریتینده قالیرلار. کؤچن عاییله لرین بیر چوخونون یئرـ یوردونو اؤزهللیکلهده کوردوستان اوستانیندان گلمه کوردلر، ساتین آلیرلار و بئلهلیکله سایین قالانین جمعییت ترکیبی کوردلرین خئیرینه دهییشییر. آیریجا کؤچن عایییلهلرین چوخ بؤیوک بؤلومو تهران و فارسیستانا کؤچدویو اوچون، و اورالاردا حاکیم کولتور(فرهنگ) فارسجا اولدوغوندان دولایی همین کؤچمنلرین اوشاقلاری و گلهجک نسیل ایستهر ایستهمز فارسلاشماغا محکوم اولور و بئلهلیکله اوچ دؤرد نسل دئییشدیکدن سونرا همین عاییلهلرین نوه، نتیجه لری بیلمهیهرکدن اؤزلرینی فارس کیمی تقدیم ائدهجکلر و بئله اولدوغوندا فارس فاشیزمینین آذربایجانلیلارا قارشی آسئمیلاسیون پوروژهلری یوزهیوز ، غالیب گلجکدیر.
ایکینجی بؤیوک فلاکت، یوخسوللوغا و ایشسیزلیگه قاتلاشیب اؤز شهرلری و یوردلارینی ترک ائتمهینلرین یاخاسینی توتور. یوخسوللوغون تؤرهتدیگی آغیر پیسیکولوژیک ائتگینین نتیجه سینده(تاثیر شدید روحی) اینسانلار اومودسوزلوغا قاپیلیرلار. بو اومودسوزلوق یاشامین آخیشینی دوردورماق ایستهییر، ائله بو زامان دیر کی چوخلاری اویوشدوروجو مادده لرینین(آریائیلرین تؤهفهسی) قاپیسینی چالیرلار. بو گئدیشده وئردییمیز زیانلار تکجه میللتیمیزین خصوصی ایله ده گنجکوتلهسینین پوتانسییئل گوجونون ایتیریلمهسی سینیرلی قالمیر، اوبیری یاندان ایسه اویوشدوروجو ساتیشیندان مالی دوروملاری گئت گئده داهادا یاخشیلاشان کورد قاچاقچیلارینین، تاریخی تورپاقلاریمیزا اولان تاماه دیشلری داهادا آرتیق ایتیلیر، بو او دئمک دیرکی بیر یاندان دا بیزیم اویوشدوروجو قوللانیمینا آلیشانلار اینسانلاریمیز(معتادان به مواد مخدر) کورد تئرورچولارینین داهادا چوخ قودوزلاشمالاریندا پایلاری اولور.
سؤزومون سونوندا دئمک ایستهییرم یوخاریدا ایشاره ائتدیگیم بوتون بو پروبلئملر باتی آذربایجانین باشقا شهرلریندهده حیس اولونور، آنجاق تیکان تپه(تکاب) نین دورومو سایین قالاایله موقاییسهده هئچ ده اورهک آچان دئییل.
سیزه سایین قالامدان، ایستی سالاملار گؤندهریرم، کرکوک قوخولو سایین قالامدان، چاناق قالا غئیرتلی سایین قالامدان.
تانری تورکو قوروسون، یاشاسین آذربایجان
چاغداش تبریزلی
0 Comments:
Post a Comment
<< Home