تؤرک بؤلگه لرينده " کوردلشديرمه " يه ياشيل ايشيق ــ س.صدرالدين .

--------------------------------------------------------------------------------



تبریز سسی : بئله گؤرونور، گونئي آذربايجاندا تاريخن ائتنيک تؤرکلرين ياشاديغي بؤلگه لرده " کرکوک واريانتي " ايشه سالينيب. اگر ايراقين کرکوک و شيمالين بوتون تؤرکمن بؤلگه لرينده کوردلرين خصوصي چکيسي نين آرتيريلماسي ايشيني آمئريکاليلار حياتا کئچيرديسه، ايراندا بو ايشي ايسلام رئژيمي حياتا کئچيرير. کورد قروپلاشمالاري ايرانين بير سيرا قرب رايونلاريني اؤز خيالي خريته لرينه داخيل ائتديکلري، اونلارين تئررور دسته لري نين (پژاک) ايرانا قارشي عملياتلار آپارديقلاري، بو دسته لرله واختاشيري توققوشمالارين باش وئرديگي بلليدير. آما حاکيميت طرفيندن همين کوردلرين بير کوتله اولاراق تؤرک بؤلگه لرينده سايجا اوستون مؤوقئيه چيخاريلماسينا جهدلر گؤستريلديگي ده بير گئرچکدير. ضيديت ده بوندادير.



بئله گؤرونور، کورد تئررور قروپلاشمالاري نين تهديدلري تهران اؤچؤن قورخولو دئييل. اونلاري داها چوخ دينج، رئژيمه قارشي تئررورو بير موباريزه واسيطه سي سئچمه يه ن تؤرک اهالي – اؤلکه نين ائتنيک چوخلوغو حالينا گلميش بير توپلوم قورخودور. و اونلار کورد ائتنيک کوتله سيندن تؤرکیه ايله سرحد بويونجا آييريجي زولاق بيچيمله مک فيکرينه دوشوبلر.



مثلن، سويوقبولاق دونه نه ده ک بير تؤرک شهري ايدي. آما اوزون ايللر فارس شووينيزمي و تهران حاکيميتي بورانين ائتنيک ترکيبيني دييشمه يه چاليشيب، يئرلي تؤرکلري ايسه آسسيميلياسييا ائتمه يه جهدلر گؤسترميشدير. بو شهر 1945- جي ايلده آذربايجان ميللي هؤکومتي طرفيندن کوردلره باغيشلانميشدي کي، اؤز قوروملاريني بورادا يئرلشديرسينلر. آنلاشمايا اساسن، سويوقبولاغين تؤرک اهاليسي نين کوردوستاندا موختار مدني هوقوقونون تانينماسي دا يئر آلميشدي. سونرادان بو شهر " ماهاباد " آدلانديريلدي. ايندي ايسه کوردلر بو شهري تام منيمسه ييبلر. بو بير يانا، بو ماحالا تابع اولان تؤرکلرين باشقا رايونلاريني دا " منيمسمک " ايسته ييرلر. " ماهاباد " آدلانديريلان کئچميش سويوقبولاق بو گون " کورد شهري " کيمي تبليغ اولونماقدادير. تهران بو باش وئرنلره سئيرچيدير.



" باي بک " اين معلوماتينا گؤره، بو گونلرده " يوسيف پيغمبر " آدلي تئلئسئريال کوردجه يه ترجومه ائديله رک، گونئي آذربايجانين بو شهرينده کي يئرلي تئلئويزييادا نوماييش اولونور.



موشاهيده چيلرين دئديگينه گؤره، آدي چکيلن فيلم کوردجه يه ترجومه اولونورسا، او زامان بو سئريالي ندن کوردلرين داها چوخ ياشاديغي کوردوستاندا ياييملاميرلار؟ اؤزو ده بو فيلم مشهور آنتي تؤرک تی وی - ده - " سحر " تئلئکاناليندان گؤستريلير.



تهران حاکيميتي نين گونئي آذربايجانا قارشي سيياستي کوردلرين تؤرک تورپاقلارينا ايشتاهاسي نين آرتماسينا يارديم ائدير. بو سيرادا قربي آذربايجان عيالتي ده وار. بو بؤلگه ده، قوشاچاي و سويوقبولاق رايونلاري آراسيندا بادام کندي يئرلشير. کند قونشو تؤرک کندلري ايله بيرليکده اوزون ايللردير، اؤزلليکله 1979- جو ايل اينقيلابيندان سونرا دفعه لرله کورد تئررور قروپلارشمالاري نين سيلاحلي باسقينلارينا معروض قالير. بئله تئررور آکسييالاري نتيجه سينده الييالين يئرلي تؤرکلرين چوخو اؤز دده - بابا کندلريندن کؤچمه يه مجبور اولوب. بورايا گلمه کوردلر گتيريليب يئرلشديريليب. بئله بير وضعيت ايسه يئرليلرله گلمه لر آراسيندا زامان - زامان قارشيدورمالارا سبب اولور.



بو گونلرده بادام کندي نين کورد کؤکنلي باشچيسي قوراقليقلا باغلي وئريلن کرئديت، گوبره و اونو منسوب اولدوغو ائتنيک قروپ آراسيندا پايلاييب. بو عدالتسيزلييه دؤزمه يه ن يئرلي تؤرکلر اعتيراض ائديبلر. بو ايسه کورد - تؤرک قارشيدورماسينا سبب اولوب. مسئله ايله باغلي حاکيميته موراجيعت اولونسا دا، ايندييه قدر بير نتيجه يوخدور.



بير نئچه ايل اؤنجه سنندج شهريندن اولان دئپوتات بهاددين ادب آدلي بير کورد اورمييا شهري نين کوردلره آيد اولدوغونو وورغولاميشدي. بو ياخينلاردا ايسه اورمييا بلديييه شوراسي نين عضوو، کورد ائتنيک قروپونا آيد اولان خديجه منصوري ده بو شهرين " کورد شهري " اولدوغونو سؤيله ييب. او، بوراداکي آذربايجان تؤرکلريني " قوناق " آدلانديريب. کوردلره آيد سايتلاردا ويلايتين بؤيوک حيصه سي " کوردوستان " داخيلينده گؤستريلير.



ايرانين تئلئويزييا وئريليشلرينده بو کيمي مسئله لر قابارديلماقدادير. اؤتن ايل نوماييش ائتديريلن " سمايا سفر " آدلي سندلي فيلمده اورمييا کورد شهري کيمي تقديم اولوندو و بو احوالات تؤرکلرين هيددتينه سبب اولدو.



کئچن ايل خوي شهرينده کئچيريلميش " شمس " آدلي فئستيوالدا ايرانين کئچميش داخيلي ايشلر ناظيري مصطفی پورمحمدي بو شهرين آچاريني کورد موغننيسي شهرام نازيرييه باغيشلادي. تهران حاکيميتينه ياخين اولان " جام - جم " قزئتي ايسه اؤز سايتيندا " بؤيوک کوردوستان " اين خريته سيني يئرلشديره رک، گونئي آذربايجان شهرلريني کورد شهرلري کيمي تقديم ائتميشدي.



ايرانين قرب جغرافيياسينداکي تاريخي تؤرک تورپاقلارينا يييلنمک ايسته ين کوردلرين نيتلري بلليدير:



- تؤرکلرين چوخلوق تشکيل ائتديگي قربي آذربايجاندان پارلامئنته کورد دئپوتاتلارين سئچيلمه سينه نايل اولماق؛



- قربي آذربايجان عيالتينده دئموقرافيک وضعيتي کوردلرين خئيرينه دييشمک و بو بؤلگه ده چوخلوغون اونلاردان عيبارت اولدوغونو دونيانين ديقتينه چاتديرماق؛



- ايران رهبرليگي نين گونئي آذربايجانا قارشي يوروتدويو سيياستدن يارارلاناراق، تورپاقلاريميزدا " کورديستاني - موکريان " آدلي بير عيالتين يارانماسينا، بونون اؤچؤن اولجه قربي آذربايجان عيالتي نين بؤلونمه سينه، سونرا ايسه اونون لغوينه نايل اولماق.



بير سؤزله، ايران تؤرکلري بؤيوک بير تهديد قارشيسيندادير. تؤرکیه ايله سرحد بويونجا سپلنميش تؤرک کندلرينده اهالي اؤچؤن دؤزولمز شرايط ياراديلير. گونئي آذربايجانلا تؤرکیه آراسيندا " کورد زولاغي " ياراتماقلا ايران حاکيميتي نين نه دئمک ايسته ديگي اوزرينده جيدي دوشونمک گره کير. بو زولاقدا ايسه اورمييا، سالماس، سولدوز، خوي، ماکو و س. يئرلشير...