باتی آزربایجان میللی مودافیعه کمیته سی نین خوی قولونون یارانیش بیلدیریسی

دوشنبه ۲۴ فروردين ۱٣٨٨ - ۱٣ آوريل ۲۰۰۹

گونئی آزربایجانین باتی بؤلگه سی اسکی لردن بری تورک اولوسونون اؤزگون دوغما یوردو اولوبدور. بو توپراق تاریخ بویو تکجه تورک مدنییتینده دییل بل اینسانلیق توپلومونون گلیشمه سینده اویقارلیق یارادان اوجاق لارین ایلک بئشیگی ساییلاراق تورک کولتورونون زنگینلیگینده تمل اؤنمه مالیک اولوب اؤزه ل ژئو ایستراتژیک دورومونا خاطیر تاریخین چئشیدلی ائوره لرینده یابانجی ائللرین سالدیریجی باخیش لارینا معروض قالیب دیر. بو سالدیریجی باخیش لار آزربایجان تاریخینده ایلک توپلولوق لار یارانان دان بری زامانیمیزا قدر توپراق داعواسی کیمی داوام ائتمکده دیر.اسکی دؤورانلاردا باتی آزربایجاندا یاشایان تورک بودونلاری نین دوشمان طینت لی قونشولاری ، آسوری لر ، آریایی لر ایله ائرمنی لر اولسایدی بو گون ایسه کورد تئرورچو هؤرگوتلرین بو توپراغین تورکلویونه قارشی طاماحکار دوشونجه لری دیر.بو تئرورچو هؤرگوتلرین یارانیشلاریندان بری ائتدیکلری چالیشمالار چئشیدلی یؤنلردن ایره لی سوروله رک باتی آزربایجان توپراغینا اولان سالدیریجی باخیشلارین آیدینجا سینا گؤسترمک ده دیر.بو تئرورچو هؤرگوتلرین یانلیش تاریخ یازماقلا اویدورما تاریخ یاراتماق ، باتی آزربایجان شهرلری نین جمعیتی ترکیبینی ده ییشدیره رک اولوس لار آراسی سوییه ده لابی ائتمکله آزربایجان - تورک شهرلرین کورد توپلولوق لار کیمی دونیایا تانیتدیرماق ، مئدییا واسیطه سی ایله کورد کوتله لری ایچره اویدورما دوشونجه لر یایماق ، نهایت سیلاح گؤتوروب بشری مدنییته ضیدد اولان تئرورچولوق واسیطه سی ایله مالیاخولیایی آماجلارین سونوجا چاتدیرماغا ایره لی له ییرلر.

بونلارلا ياناشي گونئي آزربايجانين سیياسال گوجه ماليك اولماماسي هابئله فارس استعماري آلتدا ياشاماسي بو دورمو داها دا شيددتلنديرير . كوردلرله سويداش اولان فارس راسيسمي توركلويه قارشي اولان سيياستي اساسيندا چئشيدلي يوللارلا كورد تئرورچولاري دستكله يير. اؤرنك اولاراق : باتي آزربايجان شهرلري نين جمعيتي تركيبين دييشديريلمه سينده كوردلره اليندن گلن يارديمي بئله اسيرگه مه يير ، پ . ك .ك – پژاك كيمي تئرورچو قروپلارين محوينه جيددي پراتيك بير آدديم گؤتورمه يير ، بورادا اوز وئره ن اولايلاري خبري بايكوت ائده رك تورك اولان عسگرلرين شهادتينه اعتناسيزجا داورانير ، عراقين قوزئيينده ياشايان بارزاني كيمي كورد تئرورچو قروپلار ايله توغرالی ایلیشگی لره گيرير و ... .

بو آرادا خوي شهري باتي آزربايجانين اؤنملي شهرلريندن ساييلاراق كورد تئرورچولارين چيركين سيياستيندن مصون قالماييب گونو گونده ن فارس شوونيسمي حيمايتي ايله تئرورچو قروپلارين خطريني داهادا آرتيق حيس ائدير . بو اوزده ن بيز بير سيرا خوي شهري نين ميللي فعالي اولاراق اؤز تورك ميللتيميزين تئرورچو قروپلارا قارشي اويانيشين هر نه دن اوستون توتوب باتي آزربايجان ميللي مودافيعه كميته سي نين خوي قولونون يارانيشين اعلان ائديريك.

خوي شهري

1388- ینجي ايل فروردين آيي