توپراقلاریمیزا گوز تیکیب تحدید ائدیلن یئر لرده بوتون سویداشلاریمیزی سئچگیلرده آکتیو اشتراکا چاغیریريق

توپراقلاریمیزا گوز تیکیب تحدید ائدیلن یئر لرده بوتون سویداشلاریمیزی سئچگیلرده آکتیو اشتراکا چاغیریريق

غربی آذربایجان استیثنا اولاراق سئچگیلری (انتخاباتی)تحریم ائدیریک

ایران آدلانان اولکه ده حاکیم اولان فارس شوونیست دولتی اشقالچی دولت اولدوغونا گوره اونون ترتیب ائتدیگی سوزده سئچگیلرین سونوجو دا ایلک باشدان بللیدیر. کیمین مجلیسه سئچیلیپ سئچیلمه مه سیندن آسیلی اولمایاراق بو مجلیسین بیز تورکلره هر هانسی بیر حاق تانیناجاقی اصلا ممکن دئگیل. بونا گوره ده گونئی آذربایجاندا بعضی منطقه لر استیثنا اولاراق سئچگیلری تحریم ائدیریک. استیثنا ائدیلن بولگه لرد ایسه سئچگیلره قاتیلماقیمیز بو رژیمدن هر هانسی بیر حاق گوزلمک آنلامیند دئگیلدیر.بلکه تام ترسینه فارس شوونیزمینین چرکین حیله سینین قارشیسینی آلماقدیر.

هامیا آیدیندیر کی فارس شوونیست حاکمییتی ایللردیر چالیشیر آذربایچانا مهاجیر یرلشدیرمکله آذربایجانین میللی ترکیبینی دئیشدیریب خوصوصیله ده آذربایجان و تورکیه نین سرحدینده مانعه لر یاراتماقلا بیزیم قارداش اولکمیز تورکیه ایله یولوموزو کسسیپ و اونونلادا دنیا ایله علاقه میزی کسه بیلسین.بونا گوره ده پهلوی دووروندن باشلامیش و اونون دوامیندا اسلام رزیمی عراق ،سوریه وائله جه ده ایران آدلانان اولکه نین باشقا یئرلرینده کوردلری مالیه لشدیریب آذربایجان توپاراق لارینا یئرلشدیرمکده دیرلر.

باشقا یاندان آذربایجانی باشقا ایالت لره بولوپ یا آذربایجانین توپراقلارینی و شهرلرینی آذربایجاندان آییریب باشقا ایالت لره وئرمک له آذربایجانی ضعیفلدیب بوغماق ایستیرلر. آذربایجانی همدان ،زنجان،قزوین،مرکزی،قم ...و نهایت اردبیل استانینا بولمک همن سیاستین دوامیدیر.آستارا انزلی و اونلارین اطرافینین ایداره چیلیگین گیلان استانینا سالماقدا بو سیاستین دوامیدیر. فارس شوونیزمینین بو گونده مکران استانی شانتازی و یا خوی استان ائتمک ایفاده سیده همن سیاستین دوامیدیر.کورد اشقالچی پارتی و گروپلاریدا بو فرصتده اوستاجاسینا فایدالانیپ ایران اشقالچی رژیمنین یاردیمیلا آذربایجان تورک توپراقلارینی اییه لنمئگه چالیشیرلار. فاکت اولاراق کورد تروریست تشکیلاتلاری خیالی خریطه لرینده خوی،ماکی،سالماس،اورمو ،سولدوز، اشنو،خانا،سویوقبولاق و باشقا آذربایجان شهر و کندلرینی کورد شهرلری کیمی گوسترمگه چالیشیرلار.

اگر بیز سوزو گئدن بولگه لرده سئجگیلره قاتیلماساق کورد اشقالچی قووللرینین بو ادعالارینی سندلشدیرمه سینه شرایط یاراتمیش اولوروق. یعنی بیز میدانی بوش بوراخدیقیمیز حالدا اونلار بو بوشلوقدان فایدالانیب باشقا یئرلردن کوردلری گتیریپ ساختاکارلیقلا بو بولگه دن بیر نئچه کورد نماینده سی مجلیسه گوندریب دنیایا سئس سالاجاقلار کی کیم دئیر بورا آذربایجاندیر؟ اگر آذربایجاندیر بس هانی تورک نماینده لری؟ اگر بورا تورک تورپاقی دیر پس نیه تورک یوخ کورد سئچیلیپ؟ و بو کیمی شانتاژلارلا اوز خیالی ادعا لارینی ثوبوت ائتمگه چالیشاجاقلار.

بونا گوره ده بللی سیاستله آذربایجانین هموژنلیگین پوزوپ و توپراقلاریمیزی مصادیره ائتمک ایسته ین یئرلرده بوتون گوجومزله سئچگیلرده آکتیو اشتراک ائدیپ ،بو توطئه لری خنثی ائتملیک.

سوزو گئدن شهر و کندلریمیزده آشاغیداکی فورمادا آکتیو اشتراک ائتملیک:

1- ایلک نوبده تورک میللتچی کاندیدلره سئس وئرملیک .

2- اگر بولگه میزده نظرده تودوغوموز میللتچی کاندیدین سیچیلمه شانسی یوخدورسا رای میزی یاندیرمادان باشقا و سئچیلمه شانسی یوکسک اولان رقیب تورک کاندیداتینا وئرملیک.

3-تورک کانداتلارینی تبلیغ ائتملیک.

4- اوی لاریمیز بولونمه سین دیه تورک کانداتلارینی کاندیداتلیق بولگه لرینده میللی منفعتمیز نامینه اعتلافا دعوت و تشویق ائتملیک .

5-یاشلی ، قوجا، علیل و خسته اولان شخصلری آراشدیریب اونلارین رای وئرمکلری اوچون شرایط یاراتمالیق.مثال حمل نقل و ...

5- یازیب اوخوماق باجارمایانلارا ایسته دیگی کاندینیین آدینی یازماقلا یاردیم ائتمک.

6-ملتیمیزی رای دئرمه گه تشویق.

7-اوی صاندیقلارینین نظارت گروپلارینا آدای اولاراق نظارت گروپونا گئچیپ هر هانسی ساختا اویلامانی اونلمه لیک.

8- بو بولگه لره عاید اولمایان و باشقا منطقه لردن (عراقدان و ایران آدلانان اولکه ینین باشقا یئرلریندن مثال سلیمانیه ،سنندج،کرمانشاه و... ) گلیب بورادا رای وئرنلرین اونون آلمالیق.

9-رای حوزه لرینده اوی وئرنلر سیلینمین مرکبه بارماق باساراق اونلارین یندن و نئچه دفعه اوی وئرملری اونله مسینی طلب ائتملیک.

10-اویلارین سایماسینا نطارت ائدیلملیدیر.

بو واسیطه ایله توپراقلاریمیزا گوز تیکیب تحدید ائدیلن یئر لرده بوتون سویداشلاریمیزی سئچگیلرده آکتیو اشتراکا چاغیریر و آذربایچانین هموژن بولگه لرینده ایسه سئچگیلری تحریم ائدیریک.



گونئی آذربایجان استقلال پارتیاسی 29 بهمن 1386 -18فورال2008



Tell;001 416 910 80 49 gaip@gaip.org www.gaip.org www.gaip.biz