Saturday, February 02, 2008

حجت الاسلام غلامرضا حسني: پان-کوردلرين اؤنونده آنجاق پان-تورکلر دايانا بيلير



حجت الاسلام غلامرضا حسني: پان-کوردلرين اؤنونده آنجاق پان-تورکلر دايانا بيلير

آذربايجانين سولدوز شهرينده جومه نامازي يئتکيليسي و ايران ليدئري نين نوماينده سي اولان حجت السلام غلامرزا حسني سون دانيشيغيندا آذربايجانين ميللي فعاللاري و اؤزلليکله ده سولدوز گئنجلرينه دستک اولوب. او دئييبدير کي کوور تروريسمينه قارشي گوجلو بير ميللي دوشونجه گرکليدير.

حجت السلام غلامرزا حسني کي ايراندا ملا حسني-ه مشهوردور ايسلام دئوريمي نين ۱ و ۲-اينجي ايللرينده، کوردلرين آذربايجان و اؤزلليکله ده سولدوز بؤلگسينه سيلاهلي سالديريلاري نين قارشيسيندا شخصن ساواشيب. ملا حسني و يولداشلاري نين وئرديگي موجاديله ده کورد ترورچولاري گئري چکيليبلر آنجاق آذربايجانليلاردان بير چوخونو غئيري اينساني شکيلده اؤلدوروبلر.

ملا حسني بو قونودا بير کيتاب يازيب. او کيتابيندا (حماسه سولدوز) يازير کي کوردلر هله دوغولماميش به به گي آنانين قارنيندان چيخاريب، ۳ دمير شيش ايله آنانين گؤگسونه سانجاقلاميشلار. او يازير کي کوردلر بير آذربايجانلي عايله نين ۶ گئنج اوغولون آتا-آنا گؤزو اؤنونده باش کسميشديلر. او يازير کي جينايتلر او قدر وحشيجه سينه اولوبلار کي يازماقلا بيتمز.

باي بک آرتير کي کوردلرين دئموکرات پارتيياسي بو جينايتلرين مسئولودور. ۱۳۵۸-اين بايرام آييندان (۸۰-۱۹۷۹) حاضيرلانان کورد ترورچولاري، او زامان فارس يئتکيليلرين يارديمييلا بير چوخلو پليس شعبه سي و حربي بازاني (پادگان) اله گئچيره رک آغير سيلاهلارا صاحيب اولموشلار. اونلار بو سيلاهلانميش جينيتکارلاري آذربايجان تورپاغينا يوروده رک بؤيوک کوردوستان قورماغا قالخيشميشلار. آنجاق ايلک دوراغدا، سولدوز شهرينده توپلانارکن ميلتين غضبينه اوغراييب و ائشيت اولمايان ساواش باشلاييبلار.

آغير سيلاهلارلا سيلاهسيز ميلته سالديران کوردلر بير چوخلو سويداشيميزي اؤلدوروبلر. خبر ملا حسني-يه گئدير چاتير و او زامان الينده اولان يئتکيسيله بير چوخلو حربي گوج توپلايير و سولدوزا گئدير. ساواشين دورومو ده ييشير و کورد ترورچولاري قاچماغا مجبور اولورلار. ملا حسني بو ساواشدا شخصن بير تانک ايچينده خطين اؤنونده ساواشيرميش.

او زاماندان بري ملا حسني بير ميللي قهرمان اولاراق تانينير. آرتيرماليييق کي ملا حسني نين وئرديگي ساواش، او دؤنملرده آذربايجان تورپاغيندان علاوه ، ايسلام اوچونموش. او زامان سونني موسلمان اولان کوردلر فارس شيعه سينه دوشمان ساييليرلارميش. اينديده بو دوشمانچيليق واردير آنجاق بير آز آزاليبدير.

بو هفته یؤکسک سویه لی یئتکیلیلرین توپلاتنیسیندا دانيشان ملا حسني٫ تام اولاراق ميللي باخيشدان قونويا ياخلاشيب. او يئتکيليلرين وئرديگي اوياريلار باره ده دانيشارکن آرتيريبدير کي، دئييلير بؤلگه ده پان-تورکيسم ايدياسي گئنيشله نير، بونون قارشيسي آلينماليدير. آنجاق من دئييرم کي پان-کورديسم قارشيسيندا بير پان-تورکيسمده اولماليدير.

سون دؤنملرده فارس حاکيمييتي بير چوخلو سويداشيميزي توتاراق اونلارا پان-تورک ايتتيهامي وئروب و اونا گؤره آغير حبسلر، مادي جزالار و ايشکنجه لر اويقولايير. بونا قارشي سون گونلرده آذربايجانلي يئتکيليلردن تپکي گليبدير. ايلک اؤلاراق اکبر اعلمي بو قونويا اعتيراض ائتدي، کي ايندي سئچکيلردن اوزاقلاشديريلير! بو گون ايسه ملا حسني بونا آچيق اولاراق تپکي وئريب و کورد تهلوکه سين تام آچيق اولاراق اورتايا سورور. گؤزله مک لازيمدير کي ايران ليدئري بو دانيشيقلارا نئجه تپکي وئره جک.

0 Comments:

Post a Comment

<< Home