گونئي آذربايجان شهرلرينه کورد کؤچو

تبريز و اورمويا دا گؤز تيکديلر...

گونئي آذربايجان شهرلرينه کورد کؤچو

گونئي آذربايجانين شهر، کند و قصبه لرينده کوردلرين يئرلشمه سي سورعتله نيب. عراقين شيماليندان توتموش، ايرانين موختليف يئرلريندن گلن کورد عاييله لري بو مکاندا مسکن سالير، يئرلي دئموقرافيک وضعيتی کؤکلو شکيلده دييشمه يه چاليشيرلار.

ايندي اورمو، سولدوز، قوشاچاي، اردبيل، تبريز، ماراغا و آستارا شهرلرينده داملاريندا " کوردوستان " بايراغي دالغالانان ائولرين سايي دا چوخالماقدادير.

گونئيده کوردلرين ان چوخ توپلاشماغا چاليشديقلاری شهرلر ايسه اورمو و سولدوزدور.

عراق شيمالينداکي " کورد موختاريتي " بو گونلرده سولدوزدا کونسوللوق آچيب و بينانين قارشيسيندان دا " کوردوستان " آدلانان ايالتينین بايراغينی آسيب. يئرلي حاکيميتين موداخيله سيندن سونرا بايراق گؤتورولسه ده، بينانين اوستونده " بؤيوک کوردوستان! " خريته سي وار. همين خريته ده عراقين شمالي، تورکييه نين جنوب-شرق بؤلگه لري، آذربايجانين غربی لاچين، کلبجر، فيضولي، زنگيلان و قوبادلي رايونلاري " کورد تورپاقلاري " کيمي گؤستريلير.

گوني آذربايجانينا آخين ائدن کوردلر " کئچئلان " ، " توريني " ، " آدامان " ، " کوچگيري " ، " هوليکان " ، " دوراج " ، " ائليميهو " ، " تريگئوئر " ، " کارابالان " ، " گئردئياري " ، " وئزنئ " ، " گولباهئ " ، " سيياله " ، " مامئتکان " ، " سئلي يئتيمي " ، " هادرانلو " ، " آغوجانان " ، " درويش جمال " ، " ساغمان " و " هاوئرکي " کورد طايفالاريندان اولان عاييلهلردير.

سون اوچ آي عرضينده سولدوز، اورمو و تبريزله باهم، گونئي آذربايجانين خوي، ماکو، سالماس، سايين قالا، تيکان تپه و قوشاچاي شهرلرينده ده کورد مسکونلارين سايي چوخاليب.

اونلارين کؤچلري نين مالی تاميناتی سي پ ک ک و " عراق کوردوستاني " نين نزارتينده کي شيرکت و مؤسسه لر، هابئله آوروپا بيرليگينده فعاليت گؤسترن بيرچوخ کورد تشکيلاتلاري طرفيندن حياتا کئچيريلير.

پ ک ک-نين ايراندا فعاليت گؤسترن قولو اولان پژاک تئررور قروپلاشماسي ايسه ايسه گونئي آذربايجاندا مسکونلاشان کوردلرله بورا يؤنلن " کورد کؤچو نون تهلوکه سيزليک و موحافيظه سيني تامين ائدير.

پژاکين اينترنتده کي سايتلاريندان اولانhttp://www.grilaypjak.blogfa.com”" دا ايسه بو " کؤچ " او و عموميتله، کورد تشکيلاتلاري نين آذربايجانليلارا اولان موناسيبتيني چوخ دقيق بير شکيلده آچيقلايان " ايرانداکي آذربايجانليلارا موراجيعت! " آدلي يازي وار.

پ ک ک و پژاکين " www.pyam.nu " سايتيندا دا يئرلشديريلميش يازيدا دئييلير: " چاشمايين و اصلا تعجوب ده ائتمگين. بيلين کي، عراقداکي موصل، اربيل، سليمانيه و کرکوک تکي، ايرانين دا شيماليندا بير چوخ شهرلر ازه لي کورد مسکنلريدير. اوراداکي آذربايجانليلار بو شهرلري " بيزيم مکانلار " آدلانديرسالار دا، هاميسيني گئري آلاجاغيق. اشغالدا اولان شهرلريميزين آزاد اولونماسيندا بيزيم قارشيميزي سيز آذربايجانليلار آلا بيلمزسينيز! بونا گوجونوز يئتمز! " آذربايجان " آدلانان يئر اصلینده قديم کوردوستاندير. سيزلر ايسه سلجوق تورکلرييله بيرليکده اورتا آسيادان همين مکانلارا گله رک يئرلشميش کؤچريلرين تؤرمه لريسينيز " .

شيمالي ايراقداکي " کورد موختاريتي " نين ليدئري، " عراق کوردوستاني وطنپرورلر ايتتيفاقي " نين صدري مسعود بارزاني ايسه کورد تئلئويزيالاريندا دا چيخيشيندا دئييب: " ميليونلارلا کوردون حق حقوقونو تاپدايانلار بيلمه ليدير کي، بورجلاري اؤدمک واختي گلدي. هامي آنلايير و گؤرور کي، آرتيق کوردلر اويانيب. بيزه وئريلن دئموکراتيک دستکله ايستيبداد و ظولمدن قورتولوب آزادليغا قوووشموشوق. " تورکمئنئلي " ، " شرقي آذربايجان " و " غربي آذربايجان " دئييلن، کؤچريلرين اشغاليندا عصرلردن بري اينله ين تورپاقلارين دا اصل صاحيبي اولان کوردلره قوووشماسينا چوخ آز قاليب. کرکوک، اورمو، ماراغا، تبريز کورد خالقي نين قلبيدير. اونلاري کيمسه يه وئرميه جه ييک " .

کوردلرين " PukMedia " خبر آگئنتليگي ايسه اعتيرافا برابر معلومات ياييب: " بؤيوک کوردوستانين گئرچکلشمه سی نين تئزلشديرمه يه جان آتان کورد عاييله لري نين ايرانين رزن، باهار، کؤورنگ، همدان، اسدآباد و ملاير شهرلرينه کؤچو باشلانيب " .

خاطيرلاداق کي، سادالانان شهرلرين هاميسي ازلي آذربايجان يوردلاريدير.

اصلا تورکييه نين ايغدير ويلايتي نين آراليق سمتينده کي آدئکلي کنديندن اولان، " سيار " لقبلي کوردون تشکيلاتچيليغي ايله ايسه بؤلگه ده " کوردوستانا قاييديش! " آدلي تبليغات کامپانيياسينا استارت وئريليب.

پ ک ک-نين اينترنتده کي سايتلاريندا ايسه کوردلر آرتيق " قاراباغ ائرمني قارداشلاريميزين، اردهاندان توتموش قزوينه، موصلدان ناخجوانا و کلبجره دک تورپاقلار بيزيم اولاجاقدير " تيپلي شعارلار ياييرلار.

سولدوز شهرينه کؤچ ائدن کوردلر ايسه بورادا " سازمان دفاع از حقوق بشر در کردستان " آدلي " حقوق-مودافيعه " تشکيلاتي ياراديبلار.

پ ک ک-نين ترکيب حيصه سي اولان پژاک تئررورچو قروپلاشماسي نين " غيرنظامی " قولو اولان بو تشکيلاتين سولدوزدا يايديغي بياناتدا بيلديريلير:

" اولدوز علوي قيزيلباشلارين قديم تورپاقلاريدير و همين شخصلرين ده هاميسي کورد اولوب. قوشاچاي دا کورد شهريدير. اورمو، ماکو، خوي، سالماس، سايين قالا، بيجار و قروه تکي... "

سولدوزداکي سويداشلاريميزين " آذربايجان " حرکاتي ايسه باش وئرنلرله باغلي آذربايجانليلارا موراجيعت ياييب.

" اگر آييلماساق و بوش صؤحبتلره يئکون وورماساق، گونئي آذربايجان آدلي تورپاغيميز اولماياجاق، کوردوستانا دؤنه جک. پروبلئمي حل ائتمک اوچون تورپاقلاريميزي، آتا يوردوموزو هر واسيطه ايله قوروماغا باشلاماليييق "

موراجيعتده دئييلير.

گونئي آذربايجانا کورد کؤچونون شدتلنمه سي ايله باغلي وضعيت تهلوکه لي حدده چاتيب. پ ک ک و پژاک منسوبو اولان سيلاحلي کورد تئررورچولار گونئيده کي آذربايجانلي ايش آدايلارينا " خراج " قويماغا، حتّی آذربايجانلي کندليلردن " باج " آلماغا چاليشيرلار.

بونونلا ياناشي، کوردلر ايرانين بؤلگه ده کي نظامی لری و پوليسلري آراسيندا آذربايجانليلاري قتله يئتيرمکله سويداشلاريميزي قورخوتماغا، اونلارا گؤزداغي وئرمه يه سعي گؤستريرلر. بونا مثال اولاراق نظامی گوجلردن اولان مجيد طالبي و علي صادقزادنين کورد تئررورچولار طرفيندن گولللنمه سيني گؤسترمک اولار.

عيني زاماندا، گونئي آذربايجانين غربينده سوسيال-اقتصادي دوروم آغير، ايشسيزليک سويه سي ايسه يوکسک اولدوغوندان آذربايجانليلار همين بؤلگه دن ايش و چؤرک دالينجا ايرانين مرکزي شهرلرينه آخيشير. بوشالان کندلره ايسه درحال کوردلر يئرلشيرلر.

اورمو شهرينده ده وضعيت جدي دير. بورادان سئچيلميش کورد ميلت وکيلي بهاالدين ادب " اورمو آذربايجانليلارين يوخ، کوردلرين قديم شهريدير " دئيندن سونرا عذر ايسته ميشديسه، ايندي شهر شوراسي نين عوضوو، ميلليتجه کورد اولان خديجه منصوري آز قالا هر آچيقلاما و موصاحيبه سينده " اورمو کودلريندير " سؤيله يير.

ماراقلي اولان ديگر مقام اودور کي، کوردلرين کؤچونده اونلارا ماليه، سياسي و ايدئولوژيک دستک وئرنلر آراسيندا ايرانداکي ائرمنيلرين " آراز " ، " هايک " ، " آسبارئز " ، " داويد ساسوناسي " ، " تيقران وارداراپئت " تشکيلاتلاري خوصوصي فعاليت گؤستريرلر.

حسين باکووي

www.experss.com.az

آذربایجان اویرنجی حرکاتی