اورمو-دا سئچگيلر و بيز! - بؤيوک رسولوغلو

سؤزه باشلامادان اؤنجه آذربايجان ميللي هرکاتي نين بو مرکب شرايتده آپارديغي موباريزه ده، اؤزلليکله باتي آذربايجاندا قارشيلاشديغي و بوندان سونرا داها دا چتينلشه جک کورد پروبله مي ايله باغلي ” باتي آذربايجان مودافيعه کوميته سي ” نين فعاليتيني آلقيشلار، اونلارا بوتون ميلتيميزله بيرليکده اوغورلار آرزولاييرام.

او بؤلگه ده جريان ائدن پروسئسلره دوزگون و اويگون مونسيبت بيلديرن بو کوميته نين، زامانيندا يارانماسي اؤزو – اؤزلوگونده کوميته نين قوروجولاري نين زامان و مکان شرطلريني دوزگون ترزيده اؤلچمه سيندن خبر وئرمکده دير. شوبهه يوخدور کي، بو موباريزلرله بيرليکده بوتون ميلتيميز، اؤزلليکله باتي آذربايجانليلارين باش وئربيله جک هر هانسي بير ايسته نيلميين حاديثه لره حاضير اولماسي گرکمکده دير.

اسفند آيي نين ۲۴-اون ده گئچيريله جک سئچگيلره موناسيبت بهانه سي ايله قلمه آلديغيم بو مقاله ده، اساس مووزونون يانيندا بو گرگين وضعييتين يارناماسي و ياراديلماسي باره ده ده تيتيريين بارماقلاريمدا اوينويان قلمين آخماسي نين سببلري آيديندير.

اونون اوچوندورکي بو يازيدا ايکي مثله يه توخونماق ايسته ييرم.

۱- سئچگيلرده ايشتيراک !

اساسن گونئي آذربايجانليلارين موباريزه مئتودو دئموکراتيک قايدالارا دايانديغينا گؤره، سئچگيلرين اهمييتي اينکار ائديلمزدير. آنجاق هانسي شرطلر آلتيندا ايشتيراک ائديب و يا نه زامان ايشتيراک ائتمه مک قرارينا گلمک او گونون و او بؤلگه نين شرطلريندن آسيليدير. بونودا آرتيرمالييام کي، همين دئموکراتيک موباريزه ده زاماني گلديکده اؤزونو توپارليياراق گوج تطبیق ائتمک قابيلييتينه هر ساعات حاضير اولونماليدير.

فيکريمجه بوگون باتي آذربايجان سئچگيلرينده آذربايجان تورکلري نين جيدي ايشتيراک ائتمه سي گونوموزون ضرورتيدير. باخمييراق کي، ايستر ايران-داکي سئچگي قايدالاري و اؤزلليکله سئچيلنلرين اؤنجه دن تعيين ائديلمه سي، ايسترسه فارس شووينيزمي نين منطقه ده تورکلرين علئيه اينه آپارديغي اويونلار، ايسترسه ده احمدي نژاد حاکيمييتي نين غئيري اينساني داورانيشلاري سئچگيلرده ايشتيراکدان ايسته نيلن نتيجه ني آلماغا ايجازه وئرمييه جک. آنجاق بير طرفدن ميللي قوووه لرين تانينماميش سيمالاريندان آدايليق قويوب ايمکان داخيلينده سئچديرمک، بير طرفدنده موختليف واسيطه و ايمکانلاردان ايستيفادئ ائده رک سئچگيلرده ميللي هرکاتين تبليقاتيني آپارماغين فايدالاري آيديندير. اونودماماليييق کي، در. اکبر بئي اعلمي نين نيسبي اولاراق، آزدا اولسا ميللي هاقلاريميزي ديله گتيرمه سي فايدالي اولموشدور.

۲۰۰۰–ده گئچيريلن مجليس سئچگيلرينده ياخيندان ايشتيراک ائديب و بو مقصدله فعاليت ائدن ميللي حرکتچيلر بو سيياستين فايدالاريني اؤزلليکله خوي شهرينده خاطيرليياجاقلار. اونون يانيندا بزن گوجوموزو سيناماق باخيمينداندا بو عاميلين رولو ديرلي اولا بيلر. گئچن پرئزيدئنت سئچگيلرينده دورومو دوزگون آناليز ائده رک جناب مهر علي بئيلي بيين نامزدليگيني دستکليين ميللي حرکتچيلر اونون قازانديغي بير ميليون ياريم سس ايله بيزيم گوجوموزو نيسبي اولاراق تعيين ائتديلر. قاتيليم اورانلارينا باخاندا و آذربايجان بؤلگه سينده چوخونلوغو قازانماسينا ديقت يئتيرنده آزاد بير سئچگيده ميللي هرکاتين قات- قات يوخاري سس گتيره جگي اينکار ائديلمز بير حاقيقتدير. بو ايسه ميللي حرکتيميز و حرکتچيلريميزه گله جگين بيزيم اولدوغونو سوبوت اوچون بير اورک قايناغيدير.

بوتون سئچگيلر اؤنجه سي موناسيبتلريمده ده بيلديرديگيم کيمي يوخاريدا قئيد ائتديگيم مسئله لري اؤلچو ديري قبول ائديب- ائتمه مک داخيلده کي موباريزلريميزين تفککور دايره سينده فورمالاشمالي و شرايته گؤره قرار وئرمه ليديرلر. آنجاق گئنه بوتون سئچگي اؤنجه سي موناسيبتلريمده بيلديرديگيم کيمي ” باتي آذربايجاندا ” تورک ميلتي سئچگيلرده فعال ايشتيراک ائتمه لي، بير طرفدن داخيلده گوجلنمگيميزه بير ترفدنده بئينالخالق چوره لرده تروريست کورد دسته لري نين تبليقاتيني پوچا چيخارماليدير. آيري ياندان ايسه تهران حاکيمييتي نين ساختاکارليقلاريني ازيب- آياقلاييب اؤز اوزونه چيرپماليدير.

بو مسئله يه بير آز داها آيدينليق گتيرمک، همچنين حاديثه لري اونوتگان ميلتيميزين اونوتماماسي اوچون باياق ايشاره ائتديگيم ۲۰۰۰-اينجي ايل سئچگيلرينده اورمو-داکي وضعييتين تهليلينده يازديغيم و ۰۸/۰۵/۲۰۰۰ تاريخينده ” يئني آذربايجان قازئتينده ” درج اولونموش ” ايراندا دئموکراسي و گونئي آذربايجان ” مقاله سيندن بير بندين آشاغيدا عئينن تقديم ائتمه گين فايدالي اولاجاغيني دوشونورم. آرتيرمالييامکي، او مقاله ده سئچگيلرين تهليلي ۹ بنده آيريلميشدي، ۸-اينجي بند کؤردلرين سئچيلمه سي ايله علاقه داردير.

” ۸- اورمو سئچگيلرينده اويون اوينانماسي؛ بئله کي، اهالي نين ۱۵% - ني تشکيل ائدن کوردلردن ۱۵ نفر، تورکلردن ايسه ۶۰ نفر آدايليغين قويموشدو. ” کئشيکچيلر شوراسي ” کوردلردن آنجاق ۳ نفرين، تورکلردن ايسه ۶۰ نفرين هاميسيني قئيديياتدان گئچيريب. بؤلگه ده آنجاق ۳ نفر ميلت وکيلي چيخاجاغينا گؤره کوردلرين سسي بؤلونمه دن ( هر کس ۳ نفره سس وئربيلر) ان چوخ سسي گتيريبلر. آنجاق تورکلرين سسي ان آزي ۶۰/۳=۲۰ يئره بؤلونموشدور. نتيجه ده ماوانالي فتاح پور ۷۴۰۲۷، يعني %۲۵.۱ سس آلاراق %۰.۱ اوستولوک ايله بيرينجي سس گتيرن کيمي وکيل اولوب. فتاه حسيني- کورد ، ۶۰۴۳۰ سس، عادل قارابوغلو – کورد ۵۷۷۰۴ سس، مير محمود يئکانلي – تورک ۵۶۱۸۲ سس و خانيم شهربانو ايماني – تورک ۵۰۳۱۷ سس ايله ايکينجي مرحله يه قالميشلار.

قئيدييات اورگانلاري نين بو آنتي- تورک، آنتي- آذربايجان حرکتلريني و قيشقيرديجي سيياستلريني ميلت باشا دوشوب، شيددتلي اعتيراضلار باش وئريب، ميللي دويگولارين تاثيري آلتيندا آنتي کورد هرکاتا باشلانيب. اورمونون مشهور ايمام جومه سي ملا حسني خالقين طلبي اوزره تهرانا گئديب و کئشيکچيلر شوراسي نين سيياستينه اعتيراضيني بيلديريب. بيلينديگي کيمي آديني چکديگيم ملا حسني ۱۹۷۶–اونجو ايل اينقيلابيندا اورمو خانليغين کوردلرين تالانيندان نجات وئرن آدامدير. بو اعتيراضلارين نتيجه سينده کئشيکچيلر شوراسي ايکينجي آدام –کورد عادل قارابوغلونو لغو ائديب. آيديندير کي، اونسوزدا اهالي نين %۸۵– ني تشکيل ائدن تورکلر ايکينجي مرحله ده سسلري نين بؤلونمه تهلوکه سي اولماديغينا گؤره اؤز وکيللريني قاليبييتله سئچه جکلردي. چونکي، بو مرحله ده هر کس مجبوري اولاراق قالان دؤرد نفردن ايکيسينه سس وئره بيله جکدي. ايکينجي توردا آذربايجان تورکلريندن خانيم شهربانو ايماني و مير ماهمود بي يئکانلي نين سئچيلمه سي بو نظرييه ني تصديق ائدير.

يوخاريدا قئيد ائتديگيم اورمو اهاليسي نين %۸۵– نين تورک اولماسيني ۱۹۸۸ و ۱۹۸۹–اونجو ايللرده او بؤلگه ده آپارديغيم آراشديرمالار گؤسترديگي کيمي بو سئچگيلردن الده ائديلن نتيجه لرده اونون سوبوتودور. اورمودا سس وئرمه حاقي اولان اهالي نين سايي رسمي قايناقلارا گؤره ۴۹۰۱۱۶ نفردير. بونلاردان ۲۹۴۰۷۰ نفر، يعني %۶۰ سس وئريب. بو رقم %۵۰-دن چوخ اولدوغونا گؤره سئچگي باشتموش ساييلار. کوردلرين بيرينجي آدامي ۷۴۰۲۷ سس آليب. معلوم اولدوغو کيمي ايستيثنالار خاريج، او بؤلگه ده هئچ کورد – تورک-ه، هئچ تورک کورد-ه سس وئرمز، آنجاق کوردلر اؤز ناميزدلريني سئچمک اوچون %۱۰۰- او سئچگيلرده ايشتيراک ائدر. اونا گؤره کوردلرين نيسبتين ۷۴۰۲۷/۴۹۰۱۱۶ * ۱۰۰= %۱۵ حسابلاماق اولار. ”

۲- باتي آذربايجان پروبلمي نين چيخيش يوللاري !

بو قونويا اونا گؤره توخونماق ايسته ييرم کي، تأسوفله ميللي هرکاتيميزين بعضي فعاللاري، اؤزلليکله خاريجده ياشايان بعضي اوزدن ايراق تشکيلات نوماينده لري بو پروبلمين اهمييتيني ايدراک ائتمه دن، گئچميشيني بيلمه دن، کورد شووينيزمي نين بوگونکو دورومونو دوزگون ترزيده اؤلچمه دن، دونيادا و بؤلگه ده گئدن سيياستلري علمي آناليز ائتمه دن بعضي يانليش داورانيشلارا باش وورور و چوخ تهلوکه لي اويونا قول چکيرلر. بو اينسانلارا، گئچميشده بعضي ايدئولوژيلره اينانانلار، حتّی کومينيست آدينا بعضي کورد دسته رينده فعاليت ائدنلر، اوندان دا بتري اينقيلابدان سونرا حتّی بو دسته لرله تورک شهرلرينه او جومله دن اورمو و سولدوزا هوجوملاردا ايشتيراک ائدنلرده يئر آلماقدادير. ايستر يوخاريدا قئيد ائتديگيم سببلر اوزندن ايسترسه ده شخصي و يا تشکيلاتي قازانچ الده ائتمک اوچون بو ايشلره قوشولاراق ديپلوماسي و موزاکيره لردن سؤز آچانلار بيلمه ليديرلرکي، دوغرولوق درجه سيندن ان کيچيک اينحيراف، ميلتيميزي اويدوراجاق و بؤيوک فاجيعه لره يول آچاجاقدير. ميلتيميزين بير بؤلومو بو موزاکيره لره بئل باغليياراق حاضيرليق گؤرمک يئرينه اوياجاق. بوگونکو دورومدا، مئتودولوژيسيندن آسيلي اولموياراق ميلتيميزين اؤزونو مودافيعه ايراده سيني ضعيفلتمک ان بؤيوک خيانتدير.

شوبهه يوخدور کي، بوتون موناقيشه و ساواشلارين سونو موزاکيره ايله بيتميشدير. آنجاق بوتون موزاکيره لرده هاق گوجلونوکي اولدوغو کيمي، سيياستدن باشي چيخمييان سيياستچيلرده اودوزموشدور. ايران فدرال کنگره سينده کي سون حاديثه لر بونون کيچيک ميقياسلي اؤلچوسو اولدوغو کيمي آغير شرايتده بئله ضربه لرين گئنيشلنه جگي اينکار ائديلمز و حتّی جوبران ائديلمز اولار. گرچي بوگون آرتيق نه بيرينجي ويا ايکينجي دونيا ساواشي زاماني و نه حتّی ۱۹۷۸–اينجي ايل اينقيلاب زاماني دئييل. شوکورلر اولسونکي، آذربايجان تورک ميلتي اؤزونه قاييديب، گوجلو بير ديرچه ليشله اؤز ميلتيني و تورپاغيني نئجه قوروياجاغيني بيلمکده دير. بو سفر کورد تالانلارينا ايمکان وئريمييه جگي کيمي آياغيني يورقانيندان اوزون اوزادانين آياقلاري کسيله جکدير. امينمکي اورمو اطرافينداکي کورد اينساني بونو باشا دوشور و اونلاري محوه دوغرو آپاران بو دسته لرين اويونونا اويموياجاقدير.

اونون اوچوندور کي، موزاکيره قاپلاريني دواملي آچيق ساخلاماقلا بيرليکده چيخيش يولونو آشاغيداکي کيمي سيرالاماق اولار.

آ- کورد دسته لري ايله هر هانسي بير موزاکيره ني، اونلارين آنتي-تورک، آنتي- آذربايجان تبليقاتلاري نين تمامن کسيلمسينه باغلاماق لازيدير.

ب- باتي آذربايجاندا هئچ بير شرطه، موزاکيره يه، تبليقاتا قولاق آسمادان ميلت اؤزونو مودافيعه اوچون سيلاهلانماليدير.
پاسدار ، بسيج و اوردو داخيلينده کي تورکلرين بعضيسي ميللي هرکاتا باغلي اولابيلر. آنجاق باشقانلاري باشقالار و فرمانلاري دوشمن الينده اولان بو قوووه نين ميلتي دوزگون مودافيعه سي اينانيلماز و ايمکانسيزدير. ميلت اؤزو اوزونون قوروماغا قئييدسيز شرطسيز حاضيرلانماليدير.

ج- خاريجده کي قوووه لر بيرلشه رک داها گوجلو و سيستئماتيک چاليشاراق ” باتي آذربايجان ” حاقيقتلرين دونيانين قولاقلارينا چاتديرماليدير.

د- داخيلده کي قوووه لر اؤزلليکله باتي آذربايجاندا اوچ-اوچ، بئش-بئش موتشککيل اولماليدير.

بوتون بونلارلا بيرليکده بير داها وورگولوياراق ايناريرام کي، عراق تورکمنلري حاقيندا پ.ک.ک- نين وئريديگي سون تهديد بياناتي اونلارين تام ايچيندن گلن آرزودور. گوجلري چاتارسا اوندان بتري اورمونودا گؤزله يير، آييق- ساييق و حاضير اولماليييق.

۲۹/۱۱/۲۰۰۷