اؤلکه ميزه يئني کورد کؤچو باشلاييب

آذربايجانا قارشي خائين پلان دؤوريييه ده دير.

گلمه لر آراز-بويو اراضيلرده يئرلشديريلير.

” ايميشلي رايونو اراضيسينه گلمه کوردلرين يئني آخيني باشلاييب. سون اوچ-دؤرد گون عرضينده بؤلگه يه ۲۰۰-۳۰۰ نفر قاچقين کوردلر گتيريليب. اونلار ندنسه رايونون اساسن آرازبويو ياشاييش منطقه لرينده يئرلشديريلير… ”

بو جومله لرله باشلايان خبري ايميشلي رايونونداکي اعتيبارلي قايناق قزئتيميزين موخبيرينه وئريب. قايناغين سؤزلرينه گؤره، ايميشلييه گلن کوردلر اکثريت اعتيباري ايله کاسيب گئيينيبلر و گؤرکمجه داغ آداملارينا اوخشاييرلار. اساسن ياشلي کيشيلر و قادينلاردان عيبارت اولان قاچقينلار ايميشلي اوچون يوکسک حساب اولونان قييمتلرله ائو کيرايله يير، دوکانلاردان ان کئيفيتلي و باها ماللاري آليرلار. عرضاق آليش-وئريشينده داها چوخ روسيه ايستحصالي اولان ماللارا اوستونلوک وئريرلر.

قايناغيميز قئيد ائدير کي، گلمه لر نيسبتن کؤهنه ” توفاش ” ماشينلاريندا حرکت ائديرلر و اونلارين اتوموبيللري نين هاميسي تورکيه سئريياليدير: ” يئرلي اهالي بو پروسئسدن نارازيدير و گلمه لرين چيخيب گئتمه سيني ايسته يير. لاکين هله ليک کيمسه اونلارا قارشي چيخماغا جسارت ائتمير. ”

خاطيرلاييرسينيزسا، آذربايجانا خاريجدن، خوصوصن تورکيه و شيمالي عراقدان کورد عاييله لري نين کؤچورولمه سي باره ده دفعه لرله معلومات وئرميشيک. اؤلکه نين ديگر مئديا قورولوشلاري دا دؤولتچيليگيميزي تهديد ائدن بو مسئله ني دفعه لرله گوندمه گتيريب، پروسئسين آرخاسيندا دوران ماهيتي و بو خائين عمله دستک وئرن آذربايجان ايقتيدارينداکي مأمورلاري ايفشا ائديبلر. مسئله بوراسيندادير کي، محض اينديکي حاکيميتده چوخ اؤنملي وظيفه توتان بعضي مأمورلار ايللردير کي، آذربايجانا سئپئراتچي احوال-روحيييه لي کوردلرين کؤچورولمه سي و يئرلشديريلمه سي پروسئسيني حياتا کئچريرلر. بو پروسئس سون آيلار داها گئنيش ووسعت آليب. اساسن شيمالي عراقدان و تورکيه نين کوردلر ياشايان عيالتلريندن اولان کؤچکونلر هانسيسا يوللارلا آذربايجانا گتيريلير، بورادا اونلاري ان موختليف بؤلگه لر اوزره يئرلشديريرلر. بعضي اؤزمانلارا گؤره، بو پروسئس بير سيرا دونيا گوجلري نين ده قاتقيسي و دستگي ايله حياتا کئچيريلير. اساس مقصد اؤلکه ده کريتيک کورد کوتله سي نين تامين ائديلمه سيدير…

ايميشلي رايونوندان گلن سون خبره داخيلي ايشلر نازيرليگي نين متبوعات خيدمتيندن موناسيبت اؤيرنديک. متبوعات خيدمتي نين امکداشي احسان زاهيدوو بونلارين اساسسيز و هئچ بير فاکتا سؤيکنمه يه ن بيلگي اولدوغونو بيلديردي. ايميشلي رايون پليس شؤعبه سي نين نؤوبتچي ظابيطي رضا اسدوو دا معلوماتين حاقيقته اويغون اولماديغيني ايديعا ائتدي. لاکين بوتون بونلارا باخماياراق، بيلديريريک کي، رئداکسيياميزا داخيل اولان بو معلوماتي اؤز ايمکانلاريميز و فرقلي کاناللاريميزلا دقيقلشديرميشيک، اونون صحيحليگينه شوبهه ميز يوخدور. دؤولتين مووافيق قوروملارينا دا تؤوسيييه ائدرديک کي، بيزي تکزيب ائتمکدنسه، قانونسوز و دؤولتچيليگيميزي تهديد ائدن کؤچ پروسئسي نين قارشيسيني آلسينلار، آذربايجانين بؤيوک و خاين اويونلارين صحنهسينه چئويريلمه سينه ايمکان وئرمه سينلر.

يادا ساليريق کي، بير نئچه آي اول باکي شهري بينقه دي قصبه سينه ده ۳۰۰ کورد عاييله سي کؤچورولموشدو. او زامان دا حاکيميت نوماينده لري فاکتي اينکار ائتميشديلر. حالبوکي اراضيده مسکونلاشان کورد عاييله لري ايله امکداشيميز شخصن صؤحبت ائتميش، اونلارين فوتوشه کي للريني چکميش و ايستيفاده ائتديکلري ماشينلارين سئرييالاريني گؤتوره رک، قزئتيميزده درج ائتميشدي.

گلمه کوردلرين اؤلکه ميزه يئني آخيني نين تورکيه نين توررچو پ.ک.ک تشکيلاتينا قارشي موباريزه سي نين گوجلنديگي و قارداش اؤلکه نين پرئزيدئنتي عبدالله گولون باکي-يا سفريندن سونرايا تسادوف ائتمه سي ده تهلوکه لي مقاملاردان خبر وئرير. ع.گولون اؤلکه ميزه سفري عرفه سينده حاکيميتيميزين پ.ک.ک-ني ترورچو تشکيلات کيمي تانيياجاغي باره ده وئرديگي بياناتلار هله ده يئرينه يئتيريلمه ييب. بوندان علاوه ، ناخچيوان موختار رئسپوبليکاسي نين عالي مجليسي نين سدري واسيف تاليبووون مئهمانخانالاردا کورد اصيللي اجنبيلر اوچون هر جور شرايتين ياراديلماسي باره ده گؤستريش وئرمه سيني ده تسادوف سايماق سادلؤوهلوک اولاردي.

بيزيمچون دانيلماز بير حاقيقتدير کي، آذربايجان حاکيميتينده پ.ک.ک-ني دستکله ين يئترينجه يوکسک وظيفه لي مأمورلار وار. محض همين مأمورلارين هاوادارليغي ايله گلمه کوردلر اؤلکه اراضيسينده يوکسک سويييه ده هيمايه اولونور. گلمه کوردلر اوچون گنجه شهرينده و خانلار رايونوندا قاپالي قصبه لر تيکيلير. باکي نين موختليف اراضيلرينده گلمه کوردلرين کومپاکت ياشامالاري اوچون شرايت ياراديلير. الده ائتديگيميز معلوماتلارا گؤره، گلن ايلين اوللريندن اعتيبارن، باکي نين موشفيقاباد و پيرکوشگول قصبه لري اراضيسينده کوردلر اوچون قاپالي قصبه لرين اينشا ائديلمه سي نظرده توتولوب. اينديکي مقامدا گلمه کوردلرين ايرانلا سرحد اراضيلرده، آراز چايي اطرافيندا يئرلشديرمه لريني ده تسادوف سايماق اولماز. بئله کي، دونيانين بير سيرا سوپئر دؤولتلرينه آرخالانان سئپئراتچي کورد قروپلاري ” بؤيوک کوردوستان ” دؤولتيني قورماق خولياسي ايله ياشاييرلار. سئپئراتچي کورد تشکيلاتلاري نين بو ايلين اولرينده ايراقين سولئيمانيييه شهرينده کئچيريلن توپلانتيسيندا خيالي کورد دؤولتي نين خريته سي نوماييش ائتديريليب.

همين خريته ده قورولاجاق دؤولتين تورکيه، سوريه، ايران، عراق و آذربايجان-ين بير سيرا بؤلگه لري حسابينا قورولاجاغي گؤستريليب. آ.ب.ش-ايران موناسيبتلري نين موحاريبه حددينه چاتاجاغينا حسابلانميش کوردلرين ايران سرهدي بويونجا يئرلشديريلمه سي پلاني دا سئپئراتچي کورد قوروپلاري نين سولئيمانيييه ده کئچيرديکلري توپلانتيدا قبول ائديليب. پلانا اساسن، ياخين شرقده قورولاجاق يئني کورد دؤولتي تورکيه نين ايران، آذربايجان و عرب اؤلکه لري ايله بيرباشا سرحدلريني قاپاداجاق. آ.ب.ش-ايران موحاريبه سي باشلاناجاغي تقديرده، آمريکاليلار عراقدا اولدوغو کيمي، اساس يئرلي موتتفيق کيمي کوردلردن ايستيفاده ائتمک نيتينده ديرلر.

سون واختلار ايران دؤولتي نين پ.ک.ک و ديگر کورد سئپاراتچي قروپلارينا قارشي موباريزه ني گوجلنديرمه سي ده بو عاميلله بيرباشا باغليدير. اونو دا خاطيرلاداق کي، ” کورد دؤولتي ” ايدئياسي گئرچکلشمک اوزره دير و عراقين شيمال عيالتلرينده، تورکيه ايله سرحدده فاکتيکي اولاراق، کورد دؤولتي قورولوب.

بئله چيخير کي، ايندي حدفده و نؤوبه ده آذربايجاندير…

تأسوفلر اولسون کي، ايستر آذربايجان حاکيميتي، ايستر موخاليفت، ايسترسه ده اؤلکه ايجتيماييتي تهلوکه لي کؤچون قارشيسي نين آلينماسي ايستيقامتينده عملي تدبيرلر گؤرمورلر.

مؤوزونو دوام ائتديره جگيک.

پ.س. قزئتيميز چاپا حاضيرلانارکن ايميشليده کي منبعلريميز بيلديرديلر کي، گونون سونونا ياخين رايون پليس شؤعبه سي نين امکداشلاري گلمه کوردلري مسکونلاشديقلاري اراضيدن چيخاريبلار. اونلاردان يالنيز ايکي عاييله همين اراضيده قالا بيليب. ديگرلري ايسه پليسين موشاييعتيله نامعلوم ايستيقامته يولا سالينيب.