“کورديش پروژه: ”لاچين رايونو کوردوستان اراضيسيدير

(يازي اؤزل اولاراق باي بک اؤچون لاتيندن کؤچورولوب)

لاچين اهاليسي نين بير قروپو ارمنستان-ا قارشي مولکي ايديعالاري نين تامين ائديلمه سي اوچون اروپا اينسان هاقلاري محکمه سينه موراجيعت ائديب. بو مرحله يه قدر بوتون محکمه اينستانسييالاري نين نئجه باشا وورولدوغو باره ده دقيق بيلگي اولماسا دا، هر حالدا اوزمانلار بيلديريرلر کي، بو ايشي اروپا اينسان هاقلاري محکمه سينده اودماق مومکون اولاجاق. لاچين رايونون اهاليسي ائرمنيستان دؤولتيني اوداجاق، اوندان تزمينات آلاجاق و ايديعادا نظرده توتالان باشقا طلبلري يئرينه يئتيريله جک.

گؤروندويو کيمي، کيفايت قدر رئزونانسلي مسئله دير. بيزيم وطنداشلاريميز ايشغال فاکتي ايله باريشمير و حتّی صولح دانيشيقلاري نين گئديشينده ده بوش دايانماييب اؤز هوقوقلاري نين بير باشا تميناتي ايله باغلي هوقوقي آدديملار آتيرلار.

بو پروسئسه بلد اولان هوقوقشوناسلار لاچينليلارين پروسئسي اوداجاغينا شوبهه ائتميرلر. چونکي بو مسئله ايله اروپا-نين تانينميش وکيللريندن بيري اروپا اينسان هاقلاري محکمه سينده تورکيه بويدا دؤولتين ديزيني يئره گتيرن کريم ييلديز شخصن، اؤزو مشغولدور.

بير نئچه گون اول کريم ييلديز يئرلي تئله کاناللارين بيري ايله تئلئفون دانيشيغيندا بو محکمه پروسئسي نين نتيجه سي ايله باغلي اولدوقجا نيکبين پروقنوزلار دا وئريب.

او، تورکييه دؤولتي نين ديزيني يئره گتيريب

آما قولاقلارينيز سهو ائشيتمه دي. کريم ييلديز اروپا اينسان هاقلاري محکمه سينده تورکييه بويدا دؤولتين ديزلريني يئره گتيريب.

ندن، محض، تورکييه دؤولتي نين؟ بو کريم ييلديز کيمدير؟ او، آذربايجان قاچقينلاري نين محکمه ايديعالاري ايله باغلي پروسئسه نئجه قوشولوب؟ بوتون بونلار چوخ سيرلي مثله لردير و بيزيم ده بيلمه ديگيميز ايشلر وار.

اوخوجولاري چوخ اينتيظاردا ساخلاماماق اوچون بري باشدان دئيک کي، کريم ييلديز پکک تسسوبکئشي اولان بير وکيلدير. تورکييه وطنداشي دئييل. چوخ- چوخ ايللر بوندان اول تورکييه دن چيخاراق اينگيلتره ده سياسي سيغيناجاق آليب و اورادا پکک-چيلارين هوقوقلاري نين مودافيعه سيني تشکيل ائتمکله مشغولدور.

محض، مسئله نين بو طرفي داها ايلگينجدير!

کريم ييلديز کيمدير؟ او، لاچين ساکينلرينه نئجه اورجاه اولوب و اونلارين هوقوقلاريني نه اوچون مودافيعه ائدير؟

“کورديش… پروژه” نين لاچين-ليلارلا نه ايشي وار؟

کريم ييلديز ۱۹۹۲-اينجي ايلده لندن-ده ” کوردوستان اينسان هاقلاري پروژه سي ” آدلي تشکيلات ياراديب. بو تشکيلاتين قورولماسيندا مقصد تورکييه ده محکمه قرارلاري ايله محکوم ائديلن پ.ک.ک-چيلارين داعواسيني اروپا اينسان هاقلاري محکمه سينه گؤتورمک اولوب. بو تشکيلات يارانانا قدر پ.ک.ک-يا مونتظم خيدمت گؤستره بيله جک بير هوقوقي ستروکتور يوخ ايدي. کريم ييلديزين بو تشببوسو پ.ک.ک-ني آغير بير پروبلئمدن خيلاص ائتدي.

۱۹۹۲-۹۵-اينجي ايللرده، قيسا آدي ” کورديش پروژئ ” اولان بو تشکيلات فورمالاشما دؤورونو کئچيردي و نهايت تشکيلاتين مرامنامه سينه بير فورمولا داخيل ائديلدي: بوتون کورد اراضيلرينده اينسان هاقلاري ايله باغلي پروسئسلري اروپا محکمه سينه آپارماق. محض، بو بند کريم ييلديزي و “کورديش پروژه ني” لاچين سمتينه بويلانماغا و لاچين ساکينلري نين مولکي ايديعالاريني اروپا محکمه سينه داشيماغا سؤوق ائديب.

“کورديش پروژه” بئله حساب ائدير کي، لاچين رايونو کوردوستان اراضيسيدير.

اؤجالان-ين وکيلي آذربايجان-ا هانسي ماموريت ايله گليب؟

ماراقليدير کي، تورکييه دؤولتي نين قاپيلاريني اوزونه باغلي حساب ائدن وکيل کريم ييلديز آذربايجانا دفعه لرله باش چکيب.

خاطيرلاييرسينيزسا، ۹۰-اينجي ايللرين سونوندا باکي- جئيهانين چکيلمه سي علئيه اينه بير بين الخالق ق.ه.ت آليانسي دا يارانميشدي. همين آليانسين ترکيبينه موختليف اؤلکه لردن اولان ۶۵ غئيري- هؤکومت تشکيلاتي داخيل ايدي. چوخ تأسوف کي، آيريلمق ايسته ين و پ.ک.ک مئيللي (معلومدور کي، پ.ک.ک-نين سيلاهلي قروپلاشمالاري دا اوزون مودت عرضينده باکي- جئيهانين چکيلمه سي لاييهه سينه قارشي موختليف ديوئرسييا حده لري ايله چيخيرديلار)، ائرمنيستان منشالي بو ق.ه.ت-لر آليانسيندا آذربايجاندان اولان تشکيلاتلار دا تمسيل اولونوردولار. کريم ييلديزين آذربايجان-لا ايلک تماسلاري دا همين آليانسين ايدئياسي ايله تشکيل ائديلن تدبيرلرده ايشتيراک ائتمکله باغلي اولوب.

“کورديش پروژه” نين فعاليت جوغرافيياسي

“کورديش…پروژه” ۲۰۰۰-اينجي ايلدن سونرا اؤز فعاليت سفئراسينا عراق، ايران و سوريه دکي “کوردوستان” اراضيلريني ده اهاته ائديب. بو باره ده کريم ييلديزين اؤزو بئله دانيشير: ” اروپادا بير کورد هوقوقو ياراتديغيميزي سؤيلسک موباليغه يه يول وئرمريک. سيستئملي اولاراق تورکييه ده اينسان هاقلاري پوزونتولاريني ايزله ييريک. تورکييه ده کي محکمه پروسئسلريني ده دواملي اولاراق ايزله ييريک…بو گونه قدر گؤرولمه ميش ايشلري گؤرمه يه باشلاميشيق. تورکييه و شيمالي کوردوستان-داکي اينسان هاقلاري پوزونتولاري پروبلئمي ايله ياناشي ايران، ايراق و سوريه دکي کوردلرين پروبلئملريني ده بين الخالق قوروملارين ديقتينه چاتديريريق… ” .

اونلار تورکييه علئيه اينه لوببي فعاليتي ايله مشغولدورلار

“کورديش پروژه” دونيانين ۲۵-ه قدر اؤلکه سينده فيلياللاريني ياراديب. بو تشکيلات هم تورکييه علئيه اينه لوببي ايشي ايله، هم ده کورد سئپاراتيزمي نين هوقوقي داعوالاريني آپارماقلا مشغولدور. “کورديش پروژه” تورکييه دؤولتي نين ديزيني نئجه يئره گتيريب؟

بو باره ده ده کريم ييلديزين اؤزونو دينله يه ک: ” کوردلرين اروپا محکمه سينه گتيرديگي محکمه موباحيسه لري تورکييه تاريخينده دؤولته ان بؤيوک قايغيلار ياشادان داعوالاردير. باشقا جور دئسک، کوردلر بو قايدا ايله تورکييه نين آب عوضوو اولماسي يولوندا چوخ بؤيوک پروبلئملر يارادا بيليبلر. بو واختا قدر تورکييه نه بيزيم محکمه خرجلريميزي، نه ده تزمينات طلبلريميزي هئچ زامان ردد ائتمه ييب. باشلانغيجدا بير قدر ردد ائتمک ايسته دي، آما سون نتيجه ده قبول ائتمه يه مجبور اولدو ” .

اؤجالان داعواسي

لاچين اهاليسي نين ائرمنيستان دؤولتينه قارشي تزمينات داعواسينا وکيلليک ائدن کريم ييلديز، عئيني زاماندا باش تئررورچو عبدالله اوجالانين دا وکيليدير. عوموميتله ايسه “کورديش پروژه” عبدالله اوجالانين هوقوقونون تکجه محکمه ده يوخ، عئيني زاماندا اروپانين سيويل ايجتيماعي تشکيلاتلاري واسيطه سيله ده تشکيل ائدير.

کريم ييلديز بيان ائدير کي، اوجالانين حبس ائديلديگي عملياتين دئتاللاريني محکمه آراشديرماسي نين پرئدمئتينه چئويره رک حتّی آ.ب.ش-اي ده چتين وضعيته سالاجاق: “بو ساهه ده بعضي مسئله لر وار. اونلارين حاقيندا هله ليک، بوندان آرتيق دانيشماق ايستميرم… اليميزجه مؤوجود هوقوق نورمالاري وار و همين نورمالارا گوونه رک حؤرمتلي اؤجالانين محکمه چکيشمه سيني آوروپا اينسان هاقلاري محکمه سينه داشيديق”.

***
لاچين ساکينلري نين ائرمنيستان دؤولتينه قارشي تزمينات داعواسيني اروپا اينسان هاقلاري محکمه سينه آپارا بيله جک آذربايجان-لي وکيللر يوخدورمو؟ يوخدورسا، بو اؤلکه نين عدليييه سيستئمي نين باشينا دونندن داش دوشسون. وارسا، اوندا باشقا مسئله و باشقا سواللار مئيدانا چيخير: اؤجالان-ين وکيليني آذربايجان وطنداشلاري نين مودافيعه سينه کيم و هانسي يوللارلا جلب ائديب؟ ان باشليجاسي، هانسي مکرلي مقصدلرله؟ آزادليق.