غربي آذربايجانا «کورد آخيشي» پلانلاشميش هدفدير

غربي آذربايجانا «کورد آخيشي» پلانلاشميش هدفدير!

آذربایجان میللی جبهه سینین، گونش پارتیاسی ایله بیرگه، باتی آذربایجانا کورد آخیشی حاققیندا وئردیکلری اعتراض مکتوبو

چوخ تاسفله ائرمنی اربابلاری نین تجاوزکار سیاستلرینه، گونئی آذربایجاندا داوام وئرن ایرانین غیرمیللی حاکمیتی، غربی آذربایجانین مرکزی ساییلان اورمیه شهری نین بو دؤوروده کی مجلسین سئچمینده آچیق، آشکار دخالت ائده رکن بیر کورد نماینده سینی اورمیه نماینده لری نین آراسینا سوخدو.

کئچن سئچگی لرده گونش پارتیاسی اؤز دوزگون حساس لیغینی گؤستره ره ک، کورد نماینده لرین اورمیه دن سئچمسینه درین اعتراضینی بیلدیرمیشدیر. بو جفنگ سیاست یئنه ده تکرار اولارکن آذربایجان میللی جبهه سسی اؤز حساس لیغینی واعتراضینی بیلدیره رکن - بوگونکو غیرمیللی حاکمیتی بئله چیرکین اویونلاردان چکین مه یه چاغیریر وبوسیاستین تکرارینی اونون اؤزو اوچون چوخ تهلیکه لی سانیر!!

غربی آذربایجانا« کورد آخیشی» پلانلاشمیش هدف دیر!

گونش پارتیاسی یاراندیغی گوندن اعتبارا (29-11-1379) هله قئیداتیندان کئچمه دن، ائرمنیلرین قاراباغا تجاوزو و سوی قریمینا بنزه ر، گونئی آذربایجاندا دا فارس شوونیزمی باتی (غربی) آذربایجانا « کورد آخینی» حاققیندا چئشیتلی تریبونلاردا وتوپلانتی لاردا اؤز نگرانلیغینی وحساسلیغینی بیان ائتمیمشدیر. لاکین تاسفلر اولسون کی آذربایجاندا درج اولونان بعضی قزئتلر بو مسئله نین حساس اولدوغو بهانه سیله بو ساحه ده پارتیانین رسمی بیاناتینی درج ائتمکدن امتناع ائتدیلر. لاکین سونرا همن قزئتلر، سولدوز شهرینین ، شهر شوراسی عضولری اولان حؤرمتلی سیفعلی دلیر وعزیز رحیمی جنابلارینین کوردوستانین تحصیل اداره سینین باش مدیرینین توطئه لرینه اعتراض علامتی اولاراق« تجزیه آذربایجان ایران» باشلیقلی مقاله سینی درج ائتدیلر. البته بیزجه 24 ایل بوندان اؤنجه، ایراندا یاشایان میللتلرین قانونی وطبیعی حقوقلارینی آچیق- آشکار پوزان بیرحاکمیتین طرفیندن بئله بیر توطئه تورنمه سی، هئچده تعجبلی اولا بیلمزدی.

البته بیرچوخدانکی جیدی توطئه نین قارشیسینی آلماق بیر پارتیانین بیاناتینین واسطه سیله تهلیکه نین نه قده ر جیدی اولماسینی خالقا چاتدیرماق هئچده قناعت بخش دئییل، چونکی بئله بیر آغیر تهلیکه نین حیاتا کئچمه سی هامی نین، خصوصیله ده باتی (غربی) آذربایجانین خالقی نین گؤزلری اؤنونده دیر. هابئله هامییا آیدین دیرکی بئله پلانلاشمیش تهلیکه نین یارانماسی عادی بیر مسئله دئییل، بلکه بو پلان عینا قدیمدن « بؤیوک ائرمنستان » یاراتماق مقصدیله ائتدیکلری تجاوز وسوی قیریمی پلانلاریلا اوست- اوسته دوشور ونهایت نظردن قاچیرماماق کی، اؤزلرینده بو جسارتی گورمه یه ن ائرمنیلر وکوردلر، بیریسی روس شوونیزمین ودیگری ایسه فارس شوونیزمین آرخا یاردیمی ایله وحمایه لریله اؤز چیرکین مقصدلرینی داوام ائتدیرمکده دیرلر. بیز تاریخ بوی، عمومیتله آذربایجان آدلانان اراضی نین تدریجی پارچالانماسینین وبو اراضی ده یاشایان خالقین طالعینه وورولان آغیر ضربه لرین سببلرینی وتاریخینی دقیق صورتده اؤیرنمدن، بئله بیر آجیناجاقلی طالعین داوامینا سون قویماقدان عاجیز قالاجاغیق!! مثال اوچون، بیز آذربایجانین ایکییه بؤلونمه سینی فتحعلی شاه چاغیندا او چاغداکی روس امپریاسینین ساواشلاری نین نتیجه لنمه سیندن بیلیریک، حال بوکی، دوکتور عبدالهادی حائری نین 1367- نجی ایلین سئچیلمیش کیتابی کیمی قیمتلندیریلن « نخستین رویا روییهای اندیشه گران ایران » عنوانلی یازدیغی کتابا اساسا بئله بیر آچیناجاقلی تاریخی حادثه نین کؤکلری ایلک دفعه فرانسیزدان باشلاناراق، اونون دامی انگلتره الی ایله آپاریلاراق، روس امپریاسی واسطه سیله نتیجه له نیر. یعنی آذربایجانین ایکییه بؤلونمه سی اوچ دؤلتین سیاستی ایله کئچمیش وسونرالاردا وحال حاضردا دا نئچه پارچایا بؤلونموش وبؤلونمکده دیر. بو توطئه لرین باشلانماسیندان سونرا همین بو اوچ اؤلکه نین فرانسیز، انگیلتره وروسیه نین تشبوثو وحیمایه سیله داشناک پارتیاسی یاراندی وقاراباغین اشغالی دا همین بو اوچ اؤلکه نین حیمایه سیله بو ایرنج پارتیانین الی ایله حیاتا کئچیریلدی.

قاجار چاغیندا آذربایجانین اراضی بوتؤلویو سیاسی جغرافیایا پارچالانماسینا باخمایاراق، اونون خالقلاری بیری- بیریندن اوزاق دوشسه لرده، حسرتده دؤیونن اؤرکلری بیر ووردو، مدنی- کولتورال علاقه لری پوزولمادی، تورپاق پارچالاندیسا، اؤرکلر پارچالانمادی وایرنج سیاستلرین گوجو تمیز اؤرکلرین دؤیونتولرینی سارسیلدا وسوسدورا بیلمه دی.

گونئی آذربایجاندا دا بو ایرنج سیاستین داوامی نین وارثی اولان پهلوی سلاله سی، باتی (غربی) آذربایجانی پارچالاماق مقصدی ایله اورانی کوردلشدیرمه یه باشلادی کی، تاسفله ایندیکی حاکمیت ده ایستر خالقلارین دوغال(طبیعی) حقوقونو پوزماقدا ایسترسه ده باتی آذربایجانی کوردلشدیرمه یه شاهلیق اصول اداره سینین سیاستینه داوام وئردی.

چوخ خالقلی اؤلکه لرده، خالقلارین اؤز یئرلریندن باشقا یئرلره آخینماسی ایکی سببدن ایره لی گله بیلر بو ایکی سببین بیری ایقتصادی ودیگری ایسه سیاسی اولا بیلر و بو ایکی سببین بیری – بیرینه درین تاثیری واردیر. میثال اوچون آذربایجانلیلارین تهرانا وباشقا فارس بؤلگه لرینه آخینماسینین ظاهیری سببی ایقتصادی سبب دیر یعنی آذربایجاندا ایشسیزلیک تؤره دیلمه سی نتیجه سینده خالق تهرانا یاباشقا ولایتلره آخینیر، یعنی آذربایجاندا قصدا یارادیلمیش ایش سیزلیک، آذربایجانلینی اؤز آتا- بابا یوردوندان، داها دوغروسو، اؤزکیم لیگیندن مدنیتیندن وکولتوروندن، دیلیندن اوزاقلاشدیرماقلا، سیاسی هدفلر داشییر. لاکین اؤزونو اداره ائده بیلمه ین باتی آذربایجانی کوردلشدیرمک هئچ شبهه اولمادان آشکارا سیاسی مقصد داشییر وباشقا سؤزله دئسک تدریجله ائرمنی لرین قارا باغا سوخولدوغو کیمی، کوردلرین باتی آذربایجانا سوخولماسیله اورانی اشغال ائتمک سیاسی جریاندیر.( کوردوستان ودموکرات فرقه سی، پهلوی سلاله سیندن خلاص اولماق مقصدیله یاراندی)

ایستر قوزئی( شیمالی ) آذربایجاندا، ایسترسه ده جنوبی آذربایجاندا پارچالانما پروسسین داوامی نین سببی چوخ آیدین دیر، یعنی دنیزدن دنیزه دیرناق آراسی« بؤیوک ائرمنستان» یارانماسی خولیاسی کیمی « بؤیوک کوردوستان » یارانما خولیاسی، هر ایکی آذربایجانی تورک دونیاسیندان آییرماق وتک له مکله محو ائتمک سیاستی دیر. حال بوکی آتالار دئمیشکن « بولاغا سو تؤکمکله بولاق اولماز» هله اؤز باشینی ساخلاماغا قادر اولمایان ائرمنی، دائمی صورتده قاراباغی ایشغال آلتیندا ساخلایا بیلمه دیگی کیمی، دؤرد اؤلکه ده داغینیق یاشایان وتاریخ بویو بیری- بیرینه غنیم چیخان وهامیدان چوخ بیری- بیرینی قیران یازیق کوردلرین رهبرلری ده امپریالارین اویدورما گؤستریشلریله هئچ بیر چاغدا بؤیوک کوردوستان یاراتماق یوخوسوندان آییلمایاجاقلار.